Energ’iV, evel produer energiezh nevezadus dizalc’h ha lec’hel, a ginnig staliañ disheoliennoù fotovoltaek dre an tiriad. Ar stignad-se a c’hell bezañ klokaet gant ur c’hinnig fiñvusted dre rak-aveadur an disheolienn gant ur bonn pe meur a vonn adkargañ evit karbedoù tredan.

Ganet e oa ar stignad-se diwar ur c’hevelerezh etre Energ'iV hag ar c’hevredad See You Sun. Gant ar c’hevelerezh-se ez eus bet gellet krouiñ ur c’hevredad drezañ e-unan : Breti Sun park a ginnig e skoazell dre an Il-ha-Gwilen a-bezh, ken evit parklec’hioù publik, ken evit parklec’hioù prevez.

C’hwi hoc’h eus ur parklec’h ma c’heller degemer un tregont karr bennak pe muioc’h ? Energ’iV a ginnig deoc’h e dalvoudekaat digoust dre :

• staliañ disheoliennoù kement ha kaout lec’h er goudor er goañv, lec’h en disheol en hañv, un aveadur goulaouiñ foran gant un tremenerezh suraet da noz
• ur produadur tredan nevezadus lec’hel gant goloadur an disheoliennoù gant panelloù fotovoltaek
• hag ur rak-aveadur evit ma vo aesoc’h staliañ ur bonn evit karbedoù tredan diwezhatoc’h.

Abalamour d’ar palioù broadel lakaet evit produiñ energiezhioù nevezadus, d’ar brastresoù lec’hel evel hini ar SHAET, hag all hag all, e rank ar strollegezhioù seveniñ gouestloù youlek a-fet produiñ energiezh nevezadus. Energ’iV zo bet savet evit skoazellañ ar strollegezhioù da dizhout ar palioù-se :

1. Evidoc’h e kasomp da benn ur studiadenn rak-greadusted digoust abalamour deoc’h da briziañ barregezh teknikel hag ekonomikel ho parklec’h.
2. Ma’z eus barregezh a-walc’h gant ar parklec’h e vo kinniget deoc’h gant Energ’iV staliañ un disheolienn digoust.

Muioc’h-mui a embregerezhioù emouestlet en treuzkemm energiezh a grog gant oberoù Atebegezh Kevredigezhel an Embregerezhioù. Abaoe miz Du 2019, hervez al lezenn Energiezh Hin, e rank an embregerezhioù a laka sevel aveadurioù nevez ouzhpenn 1000m² mirout ur gorread par da 30% eus gorread an doenn evit e c’hlasveziñ pe produiñ energiezh nevezadus. Gallout a reer chom hep aveiñ toenn ar savadur ha staliañ un disheolienn parklec’h war ar gorread a zo ezhomm. Gant Energ’iV emañ ar barregezhioù teknikel hag ar fontoù postañ evit kas ho raktres da benn vat.

Ma’z eus barregezh gant ho parklec’h e vo kinniget deoc’h gant Energ’iV staliañ un disheolienn digoust.