Stad a ra ar Frañsizien eus an energiezhioù aveldredan, pe e vefent o chom e-tal ur parkad rodoù-avel pe ne vefent ket. Koulskoude, gant aon rak ar skogoù war an dremmvro, gant an diouer a c’hounid ekonomikel evit ar vro ha dre ma ne vez ket harpet a-walc’h skipailhoù an tiez-kêr ne vez ket degemeret ar raktresoù evel ma rankfent bezañ war an dachenn.
Savet hon eus un hentenn e-sell da aesaat lec’hiadur ar raktresoù er vro. Gant an dilennidi, ar c’hevredigezhioù hag annezidi an tiriad e troomp ur raktres aveldredan en ur raktres tiriad empentet gant hag evit an obererien a gas anezhañ da benn.
Pep tiriad zo disheñvel. Pep hini en deus e istor, e vuhez demokratel ha kevredigezhel, e skiant-prenet hag e brofil oberer. Aozañ a reomp un toullad emwelioù hag a ro tro deomp, en ur selaou ouzh pep hini, da lakaat hon emell da gordañ gant dibarderioù pep tiriad.
5 plac’h ha 5 paotr, o tileuriañ an tiriad, a selaou arbennigourien eus an energiezh hag a ro o soñj war ar mod diorren a fell dezho gwelet sevenet er raktres ha reiñ a reont un ali war ar pep gwellañ d’ober.
Un abadenn diwar-benn an treuzkemm energiezh a aozomp evit an holl dud dre vras. Ar prantad-se evit sachañ evezh an dud a c’hell bezañ ur sine-kendiviz pe un nozvezh kendiviz gant un den anavezet. Evel-se e c’hellomp skoulmañ darempred gant keodedourien hag a c’hellfe kaout c’hoant da lakaat bec’h evit ur raktres aveldredan.
Harpañ a reomp ar c’hevredigezhioù keodedel hag an obererien bublik er perzh a gemeront a-hed ar raktres, adalek ar penn-kentañ betek prantad ar c’horvoiñ.
Aozañ a reomp ur penn-devezh degemer foran ma voder an holl genlabourerien (diorroerien, obererien bublik, burevioù studi, juri keodedourien). Mare kinnig ar raktres, aozet a-raok ma vefe goulennet an aotre er Prefeti, a ro tro d’an dud da gaozeal frank diwar-benn an holl gudennoù a zo stag ouzh ar raktres.
Extranet
.png)
