OC’H
Skip to main content

Ahelioù kenlabour

Un taol-intrudu gant 4 Sindikad Energiezh eus Breizh, ha Brest Meurgêr nevesoc’h zo, evit kavout diskoulmoù efedus da gudennoù an treuzkemm energiezh en hon tiriadoù 

Ur rouedad barregezhioù

Gant PEBreizh e vez ingalet ar c’helaouiñ hag an doareoù diwar-benn ar pezh a zo kalonenn micher ar sindikadoù energiezh, da lavaret eo evezhiañ obererezh ar varc’hadourien aotreet da zasparzhañ energiezh publik. Ober a ra ivez kinnigoù boutin evit diorren ha gwellaat servij publik an energiezh ha kalite pourchas an energiezhioù. 

Dre strolladoù labour tematek e c’heller ivez eskemm skiant war raktresoù treuz all en tiriad, evel produiñ energiezh nevezadus, harpañ diorren ar wienn optikel, ar c’has uhel-kenañ, ar gartennouriezh a resister uheltre ha kement zo. 

Kenlodennañ ar poloù

E-barzh emglev PEBreizh, e fin 2016, e oa bet divizet gant an izili kenlodennañ ar c’hefridioù kontrollañ en-dro da demoù boutin.

Un urzhiad a-stroll kenurzhiet gant SDE35 zo bet savet er mod-se. Un aodit zo bet graet war meur a aotreadur : fakturenniñ ar c’henstagadurioù produiñ tredan, staliañ ar c’honterioù Linky, katalog pourchasoù Enedis, Pratikoù ha Dispartioù Pourvezet Fall (PMA ha DMA), kerziñ ar roadennoù fiziet dre aotreadur er bennadurezh a aoz an dasparzh tredan. War daou sujed nevez e vo graet kontrolloù c’hoazh e 2020-2021.

E servij ar strollegezhioù lec’hel

Gant PEBreizh :

  • E vez klasket atav ur rouedad dasparzh energiezh a galite dre hor c’hefridioù kontrollañ ar varc’hadourien tredan ha gaz aotreet,
  • Oc’h asur e vez kenurzhiet mat an diorren rouedadoù hervez ur poell a efedusted energetek  kempouez ha kengred etre ar c’hêrioù hag ar maezioù,
  • E vez harpet an treuzkemm energiezh en hon tiriadoù,
  • E vez harpet efedusted energetek ar savadurioù publik,
  • E vez diorroet ar fiñvusted izelgarbon, pe e vefe tredan, GNK pe hidrogen,
  • E vez diorroet staliadurioù produiñ energiezh nevezadus.
     

War 8 tachenn obererezh

Picto PEBreizh

E kevelerezh gant an obererien bublik : PEBreizh eo kendivizer pennañ an obererien lec’hel ha broadel a bep seurt hag a sell kudenn ha diawelet an energiezh outo : ar Stad, AAEME, Rannvro Breizh, ar strollegezhioù tiriadel, dileuridi ar pennadurezhioù anzaver, Kevread broadel ar strollegezhioù anzaver hag ar meradurioù, merourien ar rouedadoù, ar bourchaserien, ar broduerien energiezh, ha kement oberour a bled gant an treuzkemm energiezh.